15. júní 2023
Skráða lyfið Íbúfen 400 mg 50 stk. er fáanlegt aftur.
5. júní 2023
Tafir hafa orðið á sendingu af Íbúfen 400 mg. Því framlengir Lyfjastofnun, með vísan í 52. gr. lyfjalaga nr. 100/2020 heimild lyfjafræðinga í lyfjabúðum að breyta lyfjaávísun læknis fyrir Íbúfen 400 mg 100 stk. í undanþágulyfið Ibuxin 400 mg 100 stk. til 22. júní 2023.
23. maí 2023
Skráða lyfið Íbúfen 400 mg, allar pakkningastærðir, er ófáanlegt. Undanþágulyfið Ibuxin 400 mg 100 stk. er fáanlegt.
Vegna skorts á skráða lyfinu heimilar Lyfjastofnun, með vísan í 52. gr. lyfjalaga nr. 100/2020, lyfjafræðingum í lyfjabúðum að breyta lyfjaávísun læknis fyrir Íbúfen 400 mg 100 stk. í eftirfarandi undanþágulyf, í sambærilegu magni og lyfjaávísun hljóðar upp á:
Vnr. 993213 Ibuxin 400 mg 100 stk.
Heimild til að breyta lyfjaávísun fyrir Íbúfen 400 mg 100 stk. yfir í ofangreint undanþágulyf gildir til 8. júní 2023.
Lyfjafræðingar skulu upplýsa lyfjanotendur um að lyfið hafi ekki íslenskt markaðsleyfi þegar þeir nýta þessa heimild, ásamt því að gera grein fyrir mögulegum aukaverkunum og öðrum upplýsingum sem kunna að vera nauðsynlegar við notkun lyfsins.
Undanþágulyfið Ibuxin 400 mg 100 stk. er í íslenskum umbúðum og er markaðsleyfishafi lyfsins Ratiopharm GmbH.
12. maí 2023
Íbúfen er ófáanlegt í öllum pakkningastærðum af 400 mg styrkleika, 30 stk. pakkningu af 600 mg styrkleika. Áætlað er að einhverjar pakkningar verði fáanlegar aftur í lok maí.
Ráð til lyfjanotenda:
Íbúfen 200 mg er fáanlegt í lausasölu ásamt öðrum lyfjum sem innihalda sama virka efni, Ibuxin rapid 400 mg og Alvofen Express 400 mg.
Íbúfen 600 mg er fáanlegt í 100 stk. pakkningu en það er lyfseðilsskylt.