Lyfjastofnun tilkynnti þann 20. maí sl. um að smásöluálagning lyfseðilsskyldra lyfja breytist þann 1. júlí nk. Sú breyting er fyrst tekur gildi felur í sér að smásöluálagningarþrepum er breytt. Við bætist nýtt þrep (0 – 4.999 kr.) og lækkar álagning ódýrustu lyfja í fyrsta þrepi samanborið við fyrra fyrsta þrep en álagning á dýrari lyfjum hækkar. Ákvörðunin miðar að því að Ísland taki fyrstu skref í að færa smásöluverð nær viðmiðunarlöndum í lægstu verðflokkum.
Smásöluálagning verður sem hér segir frá 1. júlí 2022:
| Hámarks heildsöluverð | Smásöluálagning |
| 0 – 4.999 kr. | 20% + 1.069 kr. |
| 5.000 – 19.999 kr. | 14% + 1.270 kr. |
| 20.000 – 99.999 kr. | 2% + 2.900 kr. |
| > 100.000 kr. | 0,3% + 5.750 kr. |
Breytingin nemur í heild 2,5% heildarhækkun á álagningu miðað við selt magn árið 2021 og lyfjaverðskrárgengi í apríl 2022. Þær aðgerðir sem taka gildi síðar skapa auk þess að frekari hvata til að lyfjabúðir bjóði ávallt ódýrustu lyf í viðmiðunarflokkum og auka líkur á að ódýrari lyfjum fjölgi á íslenskum lyfjamarkaði.
Ákvörðun Lyfjastofnunar er tekin í samræmi við ákvæði lyfjalaga að höfðu samráði við fulltrúa lyfsöluleyfishafa.