Þann 15. hvers mánaðar eða næsta virka dag á undan tekur Lyfjastofnun út lista af vef Sjúkratrygginga Íslands yfir þau lyf sem hafa verið skráð með birgðaskort lengur en 90 daga og verða þau lyf felld úr lyfjaskrá vegna birgðaskorts næstu mánaðarmót á eftir.
Dæmi: Listi tekinn út 15. nóvember og lyfin felld úr lyfjaverðskrá 30. nóvember.
Listar yfir þau lyf sem felld verða úr lyfjaverðskrá vegna birgðaskorts eru birtir mánaðarlega.
Hægt að óska eftir að pakkningar verði ekki felldar brott
Umboðsmenn og tengiliðir eru beðnir um að skoða sín lyf og geta óskað eftir að lyfin verði ekki felld brott, ef birgðir af lyfinu eru væntanlegar fyrir næstu mánaðarmót.
Slíka beiðni skal senda á Hafa samband – velja Verð og greiðsluþátttaka úr felliglugga. Hún skal berast í síðasta lagi fjórum virkum dögum fyrir gildistöku lyfjaverðskrár fyrsta hvers mánaðar.
Endurbirting í lyfjaverðskrá
Til þess að upplýsingar um lyf komist aftur í lyfjaverðskrá er nauðsynlegt að fylla út eyðublað og senda Lyfjastofnun.